Аталган сапар Россотрудничествонун демилгеси менен ишке ашты.
Россиянын экспорту жана азык-түлүк коопсуздугуна арналган иш-чаранын алгачкы күнү дүйнөнүн ар тарабынан келген маалымат өкүлдөрүнө тегерек стол уюштурулду. Анда эксперттер дүйнөдө азык-түлүк тартыштыгы менен күрөшүү жаатында кызматташуу маанилүү экенин белгилешти. Конгодон келген журналисттер Россиядан инвестиция керек экенин айтышса, танзаниялыктар фермерлер үчүн жаңы технологиялардын жетишсиздигин белгилешти.
"Келерки жылы Африка өлкөлөрүнүн биринде азык-түлүк менен камсыз кылуу боюнча ири масштабдагы конференция өтөт", — деди Россотрудничествонун маалыматтык саясат бөлүмүнүн башчысы Антон Черменский.
Журналисттердин көбү өз өлкөлөрүндө айыл чарба техникасынын жетишсиздиги тууралуу маселе көтөрдү. Аларды уюшуруучулар Санкт-Петербург шаарындагы 222 жылдык тарыхы бар трактор чыгарган заводго алып барып, өндүрүш процесси менен тааныштырышты.
Ал заводдон легендарлуу "Кировец" маркасындагы кызыл тракторлор куралат. Техника көп функционалдуулугу, жогорку кубаттуулугу, тейлөөнүн жеңилдиги, күйүүчү-майлоочу материалдарынын үнөмдүү сарпталышы менен өзгөчөлөнүп тургандыктан дүйнөнүн булуң-бурчуна буюртма менен айыл чарба иштерине алып кетишет.
"Биз өлкөнүн азык-түлүк программасын камсыз кылууга олуттуу салым коштук. 4000 киши эмгектенген завод ушул күнгө чейин 480 миң трактор чыгарды", — деди Петербург трактор заводунун өкүлү Александр Соколов.
Ошондой эле ал чет элдик журналисттерге кайрылып, бул өлкөлөр менен кызматташууга даяр экенин билдирди.
© Sputnik / Аяна Байтемирова
Иш сапардын алкагында маалымат өкүлдөрү Санкт-Петербургдагы тамак-аш өнөр жайы үчүн таңгактоочу жабдууларды өндүргөн "Таурас-Феникс" ишканасына барышты. Компания товарларды түрдүү пакет, коробка, пластик3алык контейнер жана айнек идиштерге таңгактоочу машиналарды чыгарат.
"Бизде жабдууларды чет өлкөгө жеткирүү боюнча эч кандай көйгөй жок. Учурда бизден чыккан аппараттар дүйнөнүн 65 өлкөсүндө иштеп жатат", — деди ишканынын башкы директору Асхат Муташев.
Журналисттер пресс-турдун акыркы күнү Новороссийск шаарындагы нан азыктарынын комбинатына барышты. Ишканадан эгиндерин экспортко суу транспорту менен жүктөп беришет. Башкача айтканда, "Экспорттук элеватор" (лифт) деп аталат. Ал аркылуу дан эгиндери дүйнөнүн булуң-бурчуна тарайт. Порт кышында тоңбогондуктан жыл бою иш алып барат.
Тема боюнча: