БИШКЕК, 17-дек. — Sputnik. Антироссиялык санкциялардан Евробиримдиктин тургундары жабыр тартты. Бул тууралуу Европарламенттин Ирландиядан шайланган депутаты Мик Уоллес X соцтармагына жазганын РИА Новости билдирди.
"Антироссиялык санкциялар максатына жеткен жок, россиялыктарга караганда ЕБ жарандарына чоң зыян келтирди. Бирок бийликтегилер муну мойнуна алгысы келбейт", — деп жазган евродепутат.
Москвага каршы санкция киргизип, россиялык отундан баш тарткандан кийин Батыш мамлекеттеринде энергоресурска баа өсүп, инфляция күчөп кеткен. Күйүүчү май, биринчи кезекте газ кымбаттагандан кийин Европадагы өнөр жай катуу алсырап, бул экономиканын башка тармактарына да кесепетин тийгизген. Буга кошумча, АКШ менен европалык өлкөлөр ондогон жылдардан бери боло элек инфляцияга тушуккан.
Москва Батыш бир нече жыл мурун баштап улам күчөтүп келген санкциялык басымга туруштук берерин көп ирет айткан эле. Россия санкциялардын максатына жетпей калганын моюндоого Батыштын кудурети жетпейт деп эсептейт. Аталган мамлекеттердин өзүндө деле Россияга каршы чектөөлөр майнапсыз экени айтылып келет.