БИШКЕК, 15-дек. — Sputnik. 2030-жылга чейин тышкы карыздын ири суммасын төлөйбүз. Бул тууралуу мамлекет башчы Садыр Жапаров II Элдик курултайда сүйлөп жатып айтты.
Президент казынада каражат жалаң өсүү темпинде баратканын белгилеген.
"Тышкы карыз боюнча милдеттенмелер бар. Ушул жылдары ири көлөмдөгү карыздарды төлөө мезгилине туш келдик. 2030-жылга чейин ири суммасы төлөнөт. Маселен, 2023-жылы 344 миллион доллар, 2024-жылы 400 миллион доллар, 2025-жылы 430 миллион доллар карыз төлөнөт", — деген өлкө башчы.
Садыр Жапаров өлкөдө ички дүң продукциянын көлөмү 1 триллион сомго жеткенин кошумчалаган.