БИШКЕК, 13-дек. — Sputnik. Президент Садыр Жапаров "Суусамыр – Талас – Тараз автожолун реконструкциялоо, IV фаза, 104,6–197,6 чакырым" долбоору боюнча кредиттик макулдашууну ратификациялоо жөнүндө" мыйзамга кол койду.
Келишимге 24-апрелде кол коюлган. Ал эми аны ратификациялоо жөнүндөгү мыйзамды Жогорку Кеңеш 22-ноябрда кабыл алган. Сауд өнүктүрүү фонду келишимдин алкагында Кыргызстанга 30 миллион доллар (112,5 миллион сауд риалы) бөлөт. Бул каражат долбоордун бир бөлүгүн каржылоо үчүн бөлүнөт.