БИШКЕК, 11-дек. — Sputnik. Студенттик спектаклдердин эл аралык VII "Жаңы ысымдар" аттуу фестивалы өтөрүн Маданият министрлиги кабарлады.
Иш-чара 17-22-декабрь күндөрү болмокчу.
Фестиваль жыл сайын театр искусствосуна тиешеси бар кесипте окуган студенттердин профессионалдык жактан калыптануусуна стимул берүү максатында өткөрүлүп келет.
Маданий иш-чарада мыкты спектакль, аткаруучулук өнөр, көркөм окуу, эң мыкты режиссура, эң мыкты драматургия, эң мыкты театр сыны, чыгармачыл жаштардын устаты номинациялары каралган.