БИШКЕК, 10-дек. — Sputnik. Кыргызгидромет агенттиги 16-декабрга чейин Кыргызстанда кандай аба ырайы күтүлүп жаткандыгы тууралуу маалымат берди.
Чүй жана Талас облустары
10-декабрда күн ачык болот. 11-12-декабрда жана 13-декабрда түнкүсүн көпчүлүк аймактарда кар жаашы күтүлөт. Эртеси ачылып, 15-декабрдан тарта кайрадан кар жаашы мүмкүн.
Ош облусу
Аймакта 10 жана 15-декабрь күндөрү жаан-чачын күтүлбөйт. Аптанын калган күндөрүндө жаан, кар жаашы божомолдонууда. 11-12-декабрда батыштан соккон шамалдын ылдамдыгы секундасына 17-22 метрге жетиши мүмкүн.
Жалал-Абад облусу
10-декабрда түнкүсүн тоолуу аймактарда кар жаап, күндүз күн ачык болот. Бирок 11-12-декабрь күндөрү жаан-чачын күтүлүүдө. Күндүн көзү 13-14-декабрда ачылып, андан кийин кайрадан кар жаайт.
Баткен облусу
Аймакта 11-декабрдан тарта жаан-чачын болот. 11-12-декабрда шамалдын ылдамдыгы айрым жерлерде секундасына 17-22 метрге жетиши күтүлөт.
Ысык-Көл жана Нарын облустары
10-декабрда күндүз күн ачык болушу ыктымал. Андан соң апта аягына чейин жаан, кар жаашы күтүлүүдө.