БИШКЕК, 8-дек. — Sputnik. Ишембиде күндүз көпчүлүк аймактарда кар жаашы, айрым жерлерде жаан-чачын катуу жаашы мүмкүн экенин Кыргызгидромет билдирди.
Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.
Абанын температурасы Чүйдө -4...+1, Таласта 0...-5, Ош, Жалал-Абад жана Баткен облустарында +2...+7, Ысык-Көлдө +1...+6 жана Нарында -1...+4 градус болот.
Термометр бул күнү Бишкекте 0...-2 жана Ош шаарында +4...+6 градусту көрсөтөт.