БИШКЕК, 6-дек. — Sputnik. Бишкектеги №24 мектепке бомба коюлгандыгы тууралуу кабар түшкөнүн Биринчи май РИИБдин маалымат кызматы тастыктады.
Белгилүү болгондой, бүгүн эртең менен саат 8:30дар чамасында ИИМдин электрондук почтасына мектепке бомба коюлгандыгы тууралуу билдирүү келген.
"Окуучулардын бардыгы эвакуацияланды. Жеринде укук коргоо органдары иштеп жатат", — деди РИИБден.
Эске салсак, билим берүү жайы шаардын чок ортосунда Киев жана Тыныстанов көчөлөрүнүн кесилишинде жайгашкан.