Афганстандагы жарандык согушта Советтер Союзунун 15 051 жоокери каза болгон. Анын ичинен 254 жердешибиз курман болуп, 1500дөн ашыгы түрдүү жаракат алган. Мындан сырткары, 600гө жакын кыргызстандык аскер майып болуп кайткан. Алардын арасында замбирекчи Дүйшөнбек Оржокеев да бар эле.
Колумнист Алмаз Батилов аны менен маек курган. Оржокеев бул мамлекетте кантип кан кечип салгылашканын эскерди.
"Афганстанга киргенде орто кылымга түшкөндөй болдук. Ошол учурда афган калкынын басымдуу бөлүгүнүн жашоосун сөз менен сүрөттөп бериш обдан оор. Адегенде согушкерлерден абдан коркчубуз. Бирок бара-бара коркуу сезими жоголду. 1981-жылы октябрда козголоңчулар бизге буктурма уюштуруп айлабызды кетирген. Ошол буктурмада теги казак куралдашым Мурат Саяковго ок тийип, оор жарадар болду. Оорусуна чыдабай катуу бакырып-өкүргөнү дагы деле кулагыма угулуп турат. Тилекке каршы, кечинде каза болуп калды. 1983-жылы Афганстандан кайттым. Энемдин алдыман чуркап тосуп чыкканы көз алдымда", — деди Оржокеев.
Тема боюнча: