"29-ноябрда Москвада, Кызыл аянтта бүт өлкө боюнча белгилүү ГУМ-жылгаяк 18-ирет ачылмакчы. Борбордо салттуу болуп калган кышкы оюн-зооктор уюштурулат. Айнектей тунук муз, кызыл-тазыл жарыктар, майрамдык маанай жана кафедеги даамдуу токочтор", — деп айтылат маалыматта.
Уюштуруучулардын билдиргенине караганда, ГУМ-жылгаяк күн сайын саат 9:00дөн тарта 23:30га чейин иштейт. Ар бир сеанс бир саатка созулат.
"ГУМ-жылгаяктын салтка айланып калган иш күндөрү эртең мененки биринчи төрт сеансы бекер болгон шарты быйыл да сакталат. Иш күндөрү бир билет — 700, ал эми балдардыкы (7-12 жаш) — 300 рубль. Алтынчы, дем алыш жана майрам күндөрү — 800, 400 рубль. Бекер билет жети башка чейинки бөбөктөргө аны муз аянтында алып жүрө турган чоңдор (албетте, анын колунда билети болушу шарт) болсо берилет. Иш күндөрү пенсионерлер үчүн жеңилдик менен берилген билеттер — 300 рубль, ал эми дем алыш жана майрамдарда — 400 рубль. Конькини прокатка беришет, ал эми кийинип-чечине турган жерден мизин курчутуп алса болот", — деп айтылат маалыматта.
Быйыл ГУМ-жылгаякта россиялык белгилүү спортчулардын бекер мастер-класстары өтөт. Ар бир ишембиде балдардын "Красная машина" деп аталган хоккей мектебинин машыктыруучусунун жетекчилигинде бул жерде хоккей ойноп же жөндөмүңдү арттырып алууга болот.
Жекшемби күндөрү көркөмдөп муз тебүүнүн ышкыбоздоруна мектептеги устаттардын бири Анастасия Гребенкина кызыктуу ыкмаларды көрсөтүп берип, тажрыйба арттырууга көмөктөшөт. Мындан сырткары, бул сезондун программасында музда бийлөө боюнча олимпиада чемпиону Алина Загитованын 12 мастер-классы бар. Ал 10-декабрдан 25-февралга чейин уланат.
Уюштуруучулардын айтымында, мастер-класстарга баруу бекер, бирок ал үчүн ГУМ-жылгаяктын сайтына кирип жазылуу керек.
ГУМ-жылгаякка келгендер салт болуп калган май, каймак, икра салынган май токочторду, жупкаларды, козу карын, бадыраң кошулуп бышырылган картошканы, глинтвейн, колбаса-гриль, куурулган каштандарды ооз тие аларын айтышты. Анын жанында карусель иштеп, аянтчага Жаңы жылдык балатыны, инсталляцияны коюп, жарманкелик соода үйлөрүн орнотуп, ар кыл кооздуктарды илишет.
Sputnik — ГУМ-жарманкенин маалыматтык өнөктөшү