БИШКЕК, 20-ноя. — Sputnik. Бишкекте көчөгө ташталган дагы бир ымыркай табылды.
Интернетке жарыяланган видеодо көрүнүп тургандай, жаңы төрөлгөн наристени милиция кызматкерлери ордо калаадагы төрөтканалардын бирине алып барышкан.
Тартип сакчылары наристени таштагандар аны баштыкка салып коюшканын айтышты.
Укук коргоо органдары маалыматты тастыктады. Саламаттык сактоо министрлиги ымыркай учурда жандандыруу бөлүмүндө экенин маалымдап, бала дарыгерлердин көзөмөлүндө экенин кошумчалады.