БИШКЕК, 18-ноя. — Sputnik. Кыргызстандык дзюдочу Жанар Жолдошева кадеттер арасында Азия чемпиону болду. Бул тууралуу аталган федерациядан кабарлады.
15-17 жаштагы дзюдочулар арасындагы мелдеш Ташкент шаарында өткөн.
Жанар килемге 57 килограмм салмакта чыгып, чейрек финалда ирандык, жарым финалда кытайлык, ал эми чечүүчү кармашта өзбекстандык спортчуну уткан.
© Фото / пресс-служба Национальной федерации дзюдо КР
Мындан сырткары, дагы бир кыргызстандык спортчу Акмаржан Турдажиева күмүш медаль тагынган. Ал эми Даут Полтушев жана Арсен Анарбеков коло байге алган.