БИШКЕК, 17-ноя. — Sputnik. Бишкекте КМШнын Парламенттер аралык ассамблеясынын 56-жыйыны соңуна чыкты.
Парламентарийлер экология, коопсуздук жана укук сфераларындагы бир катар мыйзам долбоорлорун карап, жактырышты. Алар:
"Медициналык ишмердүүлүк менен алектенген субъектилердин бейтапка зыян келтирүүдөгү жоопкерчилигин камсыздандыруу жөнүндөгү" долбоор;
"Тоо-кен казуу иштеринин калктуу аймактарга тийгизген таасири жөнүндөгү" долбоор;
"Органикалык өндүрүш жөнүндөгү" долбоор.
Жыйындын катышуучулары КМШ мамлекеттеринин терроризмди каржылоого карата жоопкерчилик боюнча Кылмыш-жаза кодексине өзгөртүүлөрдү киргизүүнү дагы колдошту.
Мындан тышкары, парламентарий Шериктештик мамлекеттерге төмөнкү маселелер боюнча берилген сунуштамаларды карап чыгышты:
маалыматтык-коммуникациялык технологиялар тармагындагы мүчүлүштүктөргө профилактика жүргүзүү;
КМШнын аймагында укук бузууларга каршы укуктук көзөмөлдү жакшыртуу;
КМШнын экономикалык коопсуздук жаатындагы кызматташуусун өнүктүрүү.