БИШКЕК, 13-ноя. — Sputnik. Кыргызстанда бир жылдын ичинде айлык акы орто эсеп менен инфляцияны эске алганда 10,7 пайызга жогорулады. Бул тууралуу Экономика жана коммерция министрлиги билдирди.
Бир жумушчунун орточо номиналдык маянасы (кичи ишканалардын кызматкерлерин эске албаганда) 2023-жылдын январь-сентябрь айлар аралыгында 32 123 сомду түзгөн.
Өткөн жылдын ушул мезгилине салыштырмалуу айлык 23,7 пайызга өскөн. Ал эми керектөөчү баанын индексин эске алганда реалдуу көлөм 10,7 пайызга жогорулаган.