БИШКЕК, 10-ноя. — Sputnik. Бишкектин айрым райондорунда 13-ноябрда оңдоп-түзөө иштеринен улам суу берүү үзгүлтүккө учурай турганын мэрия билдирди.
"Фрунзе көчөсү, Манас жана Жибек Жолу проспектилери, Турусбеков, Баялинов, Абдрахманов көчөлөрү менен чектешкен аймакта 13-ноябрь күнү саат 9:00дөн 21:00гө чейин таза суу жок болот", — деп айтылат маалыматта.
Мэрия бул күнү "Белинский" суу кампасында жана шаардык суу түтүк тармактарында оңдоо иштери жүрөрүн айтып, ыңгайсыздыктар үчүн шаар тургундарынан кечирим сурады.
Муниципалитет жашоочуларга ичүүчү сууну камдап алууну эскерткен.