БИШКЕК, 7-ноя. — Sputnik. 9-ноябрда Бишкектин бир катар бөлүктөрүндө ичүүчү таза суу болбойт. Бул тууралуу "Бишкек суу канал" ишканасы маалымдады.
Билдирмеге ылайык, бул күнү саат 9:00дөн 21:00гө чейин турак үйлөрдө, мектептерде, балдардын мектепке чейинки уюмдарында, саламаттык сактоо объектилеринде жана башка социалдык-тиричилик багыттагы, өнөр жай мекемелеринде суу берүү токтотулат. Бул "Батыш-2" суу топтомосун жана шаардык суу түтүк тармактарын оңдоо иштерине байланыштуу.
Суу төмөнкү даректерде болбойт:
Ала-Арча суусу — темир жол — Жибек Жолу проспекти — Жаш гвардия бульвары;
Жаш гвардия бульвары — темир жол — Фрунзе көчөсү — Манас проспекти;
Ала-Арча суусу — Чүй көчөсү — Дэн Сяопин көчөсү — Осташков — Дмитров — Москва — Асаналиев көчөлөрү;
"Бишкек суу канал" жашоочуларга ичүүчү сууну камдап алууну эскертет.