БИШКЕК, 26-окт. — Sputnik. Россия өкмөтүнүн төрагасы Михаил Мишустин Бишкекте өтүп жаткан ШКУ премьер-министрлеринин саммитинде отун-энергетика тармагындагы кызматташууну бекемдөөнү сунуштады.
"Өзгөчө азыр энергоресурска болгон баа туруксуз болуп жаткан шартта отун-энергетика тармагындагы кызматташууну бекемдөө зарыл", — деген РФ премьери.
Анын айтымында, Казакстан он жылдыктын аягына чейин ШКУга мүчө мамлекеттердин энергетикалык кызматташтыгын өнүктүрүү стратегиясына болгон өз көз карашын сунуштады.
Мишустин документ заманбап тенденцияны эске алып, мунай-газ секторунда, көмүр өнөр жайында, электр, гидро жана атомдук энергетикада, кайра жаралуучу жана альтернативдүү булактарда, жалпы эле энергиянын натыйжалуулугун жогорулатууда практикалык кызматташууга көмөктөшүүсү керектигин белгилеген.
"Алдыңкы технологияларды биргелешип ишке киргизип, ишкана жана жарандарды энергоресурстар менен үзгүлтүксүз камсыз кылышыбыз зарыл", — деген Мишустин.