БИШКЕК, 22-окт. — Sputnik. Кыргызгидромет 28-октябрга чейин өлкөдө күтүлүп жаткан аба ырайы тууралуу маалымат берди.
Чүй жана Талас облустары
22-октябрь түнкүсүн жана 23-октябрь күндүз көпчүлүк аймактарда жаан, тоолуу райондордо кар жаашы күтүлөт. 24-октябрда күн ачылып, 26-октябрдан тарта кайрадан жаан жаашы мүмкүн. 28-октябрда күн ачык болот.
Ал эми борбор калаа Бишкекте 23-октябрда күндүз, 24-27-октябрда түнкүсүн жаан жаашы күтүлөт. Калган күндөрү жаан-чачын болбойт.
Ош жана Жалал-Абад облустары
22-23-октябрда көпчүлүк аймактарда жаан, тоолуу райондордо кар жаайт. Андан соң күн ачылып, бирок 27-октябрда күндүн көзү бузулат, эртеси жаан-чачын болбойт.
Баткен облусу
22-24-октябрь аралыгы жана 27-октябрда жаан жаашы күтүлүүдө, калган күндөрү күн ачык болот.
Ысык-Көл жана Нарын облустары
Апта башы жаан-чачындуу болот. 25-26-октябрда жана 28-октябрда күн ачык болот.