БИШКЕК, 13-окт. — Sputnik. Менин түшүнгөнүм боюнча, Армения КМШдан чыкпайт. Бул тууралуу Россиянын лидери Владимир Путин Бишкектеги КМШ саммитинин жыйынтыгы боюнча маалымат жыйында билдирди.
Путинге КМШнын келечеги, Армениянын премьер-министри Николь Пашиняндын саммитке келбей калышы боюнча суроо узатылды.
"Премьер-министр Пашинян мага телефон чалган. Бүгүнкү саммит боюнча дагы сөз кылганбыз. Себептери бар. Азыр айтпай эле коёюн. Андан көрө Армениянын премьер-министринин өзүнөн сураңыздар. Менин түшүнгөнүм боюнча, Армения КМШдан чыкпайт", — деп жооп берди Путин.