БИШКЕК, 12-окт. — Sputnik. Белгородго жакын жерде Украинанын Куралдуу күчтөрүнүн дронунун соккусунан Sputnik журналисти жубайы менен жаракат алып, алардын 4 жашар кызы каза болду. Бул тууралуу "Россия сегодня" медиа тобунун башкы директору Дмитрий Киселев билдирди.
"Украина учурган дрондун соккусунан Sputnik агенттигинин афган редакциясында иштеген биздин 29 жаштагы кызматкер Хайбар Акифи жана анын жубайы Олеся оор жаракат алып жандандыруу бөлүмүнө түштү", — деди Киселев.
Каргашада журналисттин кайнене-кайнатасы дагы каза болгон. Жубайы кызынын чарчап калганын билбейт.
Белгородго жакын жерде учкучсуз аппараттардын турак үйлөргө кулаганын бүгүн эртең менен аймактын губернатору Вячеслав Гладков билдирген. Айтымында, үч адам, анын ичинде бөбөк көз жумду.
Украинанын аскерлери учкучсуз аппараттардын жардамы менен Брянск, Белгород жана Курск облустарына, ошондой эле Крым жана Борбордук Россияга чабуул жасоону токтото элек.