БИШКЕК, 11-окт. — Sputnik. УКМКнын маалымат кызматы Кыргызстандын Күрөш федерациясынын грек-рим күрөшү боюнча вице-президенти Ахрор Иминов кармалганын кабарлады.
© Фото / пресс-служба ГКНБ КР
Билдирмеге караганда, ал кримтөбөл Камчы Көлбаевдин кылмыштуу топторун каржылап турган деп шектелүүдө.
"И.А.Х. жүк ташуу жана логистика боюнча бир нече компаниянын ишине кийлигишип, алардан уюшкан кылмыштуу топтун жалпы кассасына деп кирешесинин 30 пайызга жакынын алууга катышкан", — деп айтылат маалыматта.
Иминов Бишкек ШИИББдин убактылуу кармоочу жайына киргизилип, тергөө уланууда.