БИШКЕК, 8-окт. — Sputnik. 3-октябрдан 8-октябрга чейин Баткен шаарында Кыргызстан менен Тажикстандын топографиялык жана чек араны делимитациялоо, демаркациялоо боюнча жумушчу топтору жолугушуу өткөрүштү. Бул тууралуу министрлер кабинетинен маалымдалды.
© Фото / пресс-служба кабинета министров КР
Сүйлөшүүлөрдүн жыйынтыгында тиешелүү протоколго кол коюлган. Өкмөттөн белгилешкендей, бир жума ичинде кыргыз-тажик чек арасынын 43,32 чакырым тилкеси макулдашылды.
"Тараптар калган тилкелерди тактоо боюнча иштерди кийинки жолугушууда улантышат, кезектеги жолугушуу Тажикстан Республикасынын аймагында болот. Жолугушуу достук жана өз ара түшүнүшүү маанайында өттү", — деп айтылат маалыматта.