БИШКЕК, 8-окт. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.
Бишкек жана Чүй облусу
Бейшембиге чейин жаан-чачын күтүлбөйт. Жумага караган түнү жана эртең менен жамгыр жаайт. Ошол бойдон апта аягына чейин күн ачык болот.
Талас облусу
Бул аймакта дагы 11-октябрга чейин күн ачык болот.
12-октябрда тоолуу райондордо жамгыр, бийик тоолорго кар түшөт. Дыйканчылык аймактарда жаан-чачын күтүлбөйт. 13-октябрда түнкүсүн жана эртең менен көпчүлүк аймактарда жаан жаайт. Анын эртеси күн ачылат.
Ош облусу
9-октябрда тоолуу райондордо жаан жаайт, 10-12-октябрь күндөрү ачык болот. 13-14-октябрда айрым жерлерде жамгыр жаайт.
Жалал-Абад жана Баткен облустары
11-октябрга чейин күндүн көзү бузулбайт. 12-октябрда күндүз тоолуу райондордо жаан жаайт. 13-октябрда түнкүсүн жана эртең менен көпчүлүк аймактарда жамгыр жаап, бийик тоолорго кар түшөт. Бирок күндүзү жана эртеси күн ачык болот.
Ысык-Көл жана Нарын облустары
8-9-октябрда түнкүсүн айрым жерлерде жаан жаашы күтүлөт. 9-октябрда күндүз жана 10-12-октябрда жаан-чачын болбойт. 13-октябрда айрым жерлерде жааса, 14-октябрда күн ачык турат.