БИШКЕК, 4-окт. — Sputnik. Кыргызстандык балбан Раззак Бейшекеев Азия оюндарынан коло медаль утту.
Ал 67 килограммга чейинки салмак категориясында өзбекстандык балбан менен күч сынашты.
Эсеп 1:1 болгон, бирок акыркы ыкманы Бейшекеев жасагандыктан жеңиш ага ыйгарылды.
Грек-рим күрөшү боюнча Кыргызстандын капчыгына ушуну менен эки медаль түштү. Биринчисин Жоламан Шаршенбеков алып келген. Ал алтын утуп Азия оюндарынын чемпиону аталды.