БИШКЕК, 28-сен. — Sputnik. Ташкент шаарында катуу жарылуу болгонун Sputnik Өзбекстан билдирди.
ИИМдин маалыматына караганда, кырсык кампадан чыккан. Объект "Интер Логистика" компаниясына таандык экени айтылды.
Жергиликтүү ЖМКлар анын электр автоунааларынын аккумуляторлору сакталган бажы кампасы экенин жазышты.
ӨКМдин маалыматы боюнча, "Курувчилар" кичи районундагы жарылуу тууралуу кабар аларга саат 02:43тө түшкөн. Аталган аймакка өрттү өчүрүүчү жана куткаруучу 16 бригада, атайын үч техника чыгып кеткен. Кырсыктан жабыркагандар ооруканаларга жеткирилип, алардын саны такталууда. Каза болгондор тууралуу маалымат жок. Жарылуу болгон кампанын жанындагы имараттар да талкаланган. Ал катуу болгондуктан күчү 30 чакырымга чейин сезилген.