БИШКЕК, 27-сен. — Sputnik. АКШнын Борбор Азия мамлекеттерин өз-өзүнчө алып жарга такай башташы мүмкүн, мындай тобокелдик бар. Бул туурасында "Разумные решения" аналитикалык борборунун директору, тарых илимдеринин кандидаты Эсен Усубалиев Sputnik Кыргызстандын маалымат борборунда өткөн тегерек столдо билдирди.
Иш-чарада Душанбеде өткөн Борбор Азия мамлекеттеринин президенттеринин саммитинен кийинки жыйынтык талкууланды. Андан сырткары, БУУнун Башкы Ассамблеясынын 78-сессиясынын алкагындагы "С5+1" саммитинин жыйынтыгы тууралуу сөз болду.
Усубалиевдин айтымында, "С5+1" саммитинин жыйынтыгынан жана олуттуу билдирүүлөрдүн жоктугунан кооптонуш керек.
© Sputnik / Акбар Акжигитов
"Бир жагынан алганда баары Борбор Азия, Кытай, Россия саммитинин жыйынтыгындагыдай салмактуу нерселерди күтүшкөн. Чындыгында бул олуттуу фактор болуп калышы мүмкүн: АКШ азыр ар бири менен өз-өзүнчө иштейт, кимисин жарга такаарын биз билбейбиз", — деди Усубалиев.