БИШКЕК, 26-сен. — Sputnik. Европанын Россияга каршы бир тараптуу санкция киргизүү ыргагын чарчагандык эмес, ЕБ мамлекеттеринин ортосундагы пикир келишпестик жайлатууда. Бул тууралуу Россиянын ЕБдеги туруктуу өкүлүнүн милдетин аткарып жаткан Кирилл Логвинов билдиргенин РИА Новости жазды.
Дипломат европалыктар антироссиялык чектөөлөрдөн чарчадыбы деген соболго жооп берген.
"Чарчады деп айтпайт элем. Анткени мунун баары ар өлкөнүн жүргүзгөн саясатына байланыштуу нерсе. Санкциялык кысым, менимче, Евробиримдиктеги пикир келишпестиктен улам жайлап жатат. Брюсселге да нааразычылык бар, мындан тышкары, мамлекеттер өз ара да араздашууда", — деди Логинов.
Анын айтымында, пикир келишпестикке "антироссиялык санкциялардын кесепети, Украинадан улам жалпы СС саясатын жүргүзүүгө аргасыздык, Киев жөнөтүлгөн ири финансылык колдоо жана эбегейсиз көлөмдөгү курал-жарак, ошондой эле учурдагы чакырыктарга тийиштүү жооп таба албаганы" себеп болууда.
Эскерте кетсек, былтыркы жылдын февралынан тарта Евробиримдик Россияга каршы санкциялардын 11 пакетин кабыл алган. Акыркысы быйыл июнда күчүнө кирди. Бейрасмий маалымат боюнча, жаңы чектөөлөр октябрь-ноябрда кабыл алынат деп божомолдонгон, бирок барган сайын убактысы созулуп, ЕБ өлкөлөрүнүн ортосундагы нааразычылык күчөп жатат.