БИШКЕК, 22-сен. — Sputnik. ИИМ жакын арада коркунучтуу абалга туш болгон кыз-келиндерге жардам берчү тиркемени ишке киргизет. Бул тууралуу мекемеден маалымдады.
Министрлик бул боюнча өлкөдө болгон резонанстуу окуя – аялдын кулак-мурду мурдагы күйөөсү тарабынан кесилген чуудан улам билдирүүдө.
Маалыматка ылайык, "Кадес" тиркемесин түркиялык укук коргоочулар кыргызстандык кесиптештерине сунушташкан.
Анда өмүрүнө же саламаттыгына коркунуч жаралганын байкаган аялдар экрандагы тиркеменин баскычын басат. Андан кийин ал аялдын дареги дароо милицияга маалымдалат да, милиция кызматкерлери аз убакыт ичинде ага келүүгө мүмкүнчүлүк жаралат.