БИШКЕК, 15-сен. — Sputnik. КР президентинин маалымат кызматы Садыр Жапаровду Душанбеден Борбор Азия мамлекет башчыларынын V консультативдик жолугушуусунун катышуучулары узаткан видео таратты.
Жолугушуу Тажикстандын борбор калаасында өткөн. Жапаровдун сапары бейшемби күнү кечинде аяктап, Бишкекке кайтып келди. Өлкө башчысын президенттер: Эмомали Рахмон, Шавкат Мирзиёев, Сердар Бердымухамедов, Касым-Жомарт Токаев жана жолугушууга ардактуу конок катары чакырылган Азербайжандын жетекчиси Ильхам Алиев узаткан. Мамлекет жетекчилери Аралды сактоо эл аралык фондунун негиздөөчүлөрү катары Өлкө башчылар кеңешинин жыйынына катышуу үчүн чогулушкан.