БИШКЕК, 15-сен. — Sputnik. ЕАЭБ өлкөлөрүндөгү товар жүгүртүү көлөмү өсүүдө. Бул тууралуу Евразиялык экономикалык комиссиянын расмий өкүлү Ия Малкина брифинг учурунда билдирди.
Анын айтымында, 2023-жылдын биринчи жарым жылдыгында ЕАЭБ өлкөлөрүнүн өз ара товар жүгүртүүсү 13 пайызга өскөн. Өлкөлөр боюнча алсак, Армения ЕАЭБ өлкөлөрүнө экспортту дээрлик 3 эсеге, Казакстан 37 пайызга көбөйткөн. Ал эми Кыргызстандан ЕАЭБ рыногуна болгон экспорттун көлөмү өткөн жылдын деңгээлинде (+0,4 пайыз) калды.
ЕАЭБдин тышкы соода жүгүртүүсүндөгү үлүшү бир жыл ичинде 13 пайыздан 18 пайызга чейин өстү.