БИШКЕК, 14-сен. — Sputnik. Борбор калаада 16-сентябрда өлкөнүн футбол боюнча кубогунун финалы өтөрүн Кыргыз футбол союзунан кабарлашты.
Матч Дөлөн Өмүрзаков атындагы стадиондо саат 20:00дө башталат. Кыргызстандын кубогун Кант шаарынын "Абдыш-Атасы" менен премьер-лиганын дебютанты, Жалал-Абаддын "Мурас Юнайтед" командасы талашат.
Бул — өлкөнүн тарыхындагы башкы байге үчүн болгон 32-таймаш. "Абдыш-Ата" азыркы лидер жана кубоктун беш жолку ээси.
Билеттер матчтын сайтында kassir.kg сатылууда. Эгерде үйдөн күйөрмандык кылам десеңиз, YouTube жана "Мегалайн", "Акнет", "Неотелеком" провайдери аркылуу "Кыргыз Спорт ТВ" каналы көрсөтөт.