БИШКЕК, 11-сен. — Sputnik. Социалдык тармакка окуу китептери боюнча кыжырланткан видео тарады. Роликтен алардын ичи менен тышы дал келбегенин, тагыраагы, мукабасы башка, ички мазмуну башка экенин көрүүгө болот.
Булардын 5-класска арналган окуу китептери экени айтылды. Мукабасы "Математика" китеби деп жазылган китептин ичи "Русская литература" болсо, математика боюнча дагы бир китепте кыргызча-англисче-орусча сөздүк жазылып калган.
Билим берүү министрлигинин маалымат кызматы бул китептер мурда жеке менчик басмаканаларда чыгарылганын, азыр министрликтин көзөмөлүндөгү мамлекеттик типографияда басылып жатканын айтты.