БИШКЕК, 1-сен. — Sputnik. Бүгүн Бишкекте 20 миңден ашык бала биринчи класска барды. Бул тууралуу мэриянын маалымат кызматы билдирди.
Өлкөнүн бардык мектептеринде Билим күнүнө карата салтанаттуу линейка уюштурулду.
Борбордун билим берүү системасы 103 мектеп, 95 бала бакча жана мектептен тышкаркы 6 уюмдан турат.
Мэрия билдиргендей, жыл сайын окуучулардын саны орто эсеп боюнча 8 589 балага көбөйүп жатат. Бул төрөлгөндөрдүн өсүшүнө жана ички миграцияга байланыштуу.