БИШКЕК, 26-авг. — Sputnik. Ысык-Көл облусунун тургундары урологго акысыз көрүнө алышат. Бул тууралуу Кыргыз-Россия Славян университетинин маалымат кызматы кабарлады.
Урологиялык саламаттык жумалыгы 19-24-сентябрь күндөрү өтөт. Дарыгерлер, аспиранттар жана окуу жайдын урология кафедрасынын ординаторлору элди Каракол шаарындагы Ысык-Көл мамлекеттик университетинин имаратында кабыл алышат.
Медиктер ички органдарды текшерип, кан басымын өлчөп, кан, заарадан анализ алышат. Мындан тышкары, консультациялык жардам көрсөтүү каралган.