БИШКЕК, 26-авг. — Sputnik. Жол кыймылы коопсуздугун камсыздоо башкы башкармалыгынын (ЖКККББ) каттоо-лицензиялоо бөлүмүнүн ага инспектору К.А.К. пара алууга шектелип кармалды. Бул тууралуу УКМК кабарлады.
Инспектор 9-августта жеке айдоочулук мектепке барган Россия жаранын практикалык сабак маалында жол эрежесин бузду деп негизсиз айыптап, айдоочулук күбөлүк алуусуна тоскоолдук жаратканы айтылат.
24-августта инспектор пара катары алган 10 миң сомду ээсине кайтарып берип жатканда кармалган.
Шектүү кызматкер УКМКнын убактылуу кармоочу жайына киргизилди. Тергөө иштери жүрүүдө.