БИШКЕК, 20-авг. — Sputnik. Кыргызгидромет агенттиги алдыдагы аптада өлкө аймагында күтүлгөн аба ырайы тууралуу маалымат берди.
Ага ылайык, борбор калаада жаан жаабайт, күндүн табы 36 градуска чейин көтөрүлөт.
Чүй облусу
20-21-августта жаан-чачын күтүлбөйт. 22-25-август күндөрү тоолуу райондордо өткүн өтүп, дыйканчылык аймактарда жаан жаабайт. 26-августта айрым жерлерде өткүн өтөт.
Талас облусу
20-21-августта күн ачык болот, 22-августта тоолордо өткүн өтөт. 23-августта кайра күн ачылат, эртеси тоолордо өткүн өтөт. 25-августта асман ачык бойдон турса, 26сында айрым жерлерде өткүн өтөт.
Ош жана Жалал-Абад облустары
20-21-август күндөрү жаан жаабайт. Андан соң жуманын соңуна чейин тоолордо өткүн өтөт, бирок дыйканчылык аймактарда күн ачык болот.
Баткен облусу
20-21-августта күн ачык болот, 22-августта тоолордо өткүн өтөт. 23-августта кайра күн ачылат, эртеси тоо этектеринде өткүн өтөт, дыйканчылык аймактарда жаан жаабайт. 25-августта асман ачык бойдон турса, 26сында айрым жерлерде өткүн өтөрү айтылды.
Ысык-Көл облусу
Аптанын башынан аягына чейин облустун айрым жерлеринде өткүн өтүп, күн күркүрөшү күтүлөт. Күн 29 градуска дейре жылыйт.
Нарын облусу
Теңир-Тоодо дагы күндүз айрым жерлерде өткүн өтүп басылат. Катуу жаан болбойт. Абанын эң жогорку температурасы 28 градуска жетет.