БИШКЕК, 19-авг. — Sputnik. Шаршемби күнү, 23-августта, Бишкектин бир бөлүгүндө таза суу өчөт. Бул тууралуу мэрия билдирди.
Суу берүү төмөнкү аймактарда саат 10:00дөн 21:00гө чейин үзгүлтүккө учурайт:
Абаканов — Дэн Сяопин проспекти — Кустанай — темир жол линиясы менен чектешкен аймакта;
Кустанай — Волков — Садыгалиев — Дэн Сяопин проспекти.
Бул күнү "Киркомстром" суу кампасы менен шаардык суу түтүк тармактарында оңдоо иштери аткарылат.
"Бишкек суу канал" ыңгайсыздык үчүн кечирим сурап, шаардыктарды алдын ала суу камдап алууга чакырат.