БИШКЕК, 13-авг. — Sputnik. Астанада 15 жылдан бери издөөдө жүргөн кыргызстандык кармалды. Бул тууралуу Казакстандын ИИМинин Telegram-каналы кабарлады.
Маалыматка ылайык, 37 жаштагы киши Бишкектин Свердлов райондук соту тарабынан эл аралык издөөдө жүргөн.
Ал 2008-жылы башка бирөөнүн ишенимине кирип уюлдук телефондорду алып алганы айтылат.
Учурда ал Астанадагы полиция департаментинин убактылуу кармоочу жайында отурат. Кыргызстанга экстрадиция кылуу каралууда.