БИШКЕК, 11-авг. — Sputnik. Кытайдан келген жаңы автобустар 15-сентябрга чейин линияга чыгат. Бул тууралуу Бишкек шаарынын мэриясы билдирди.
Муниципалитет белгилегендей, биринчи партияда жүргүнчү ташыган 50 автобус келет.
"Жаңы автобустар 2023-жылдын 15-сентябрына чейин линияга чыгат. Мындан тышкары, Zhong Tong Bus компаниясы менен макулдашылган графикке ылайык, жыл соңуна чейин дагы 450 автобустун жеткирилиши күтүлүүдө. Калган 500ү 2024-жылдын I кварталында жеткирилет", — деп айтылат маалыматта.
Эске салсак, буга чейин газ менен жүргөн 1000 автобус жеткирүү боюнча келишимге кол коюлган. Бул нерсе коомдук транспорттун паркын жаңылоо үчүн жасалып жатат.