БИШКЕК, 11-авг. — Sputnik. 1979-жылы 11-августта советтик спорттун тарыхындагы трагедиялуу окуя катталган. 8400 метр бийиктикте "Аэрофлот" компаниясынын эки учагы кагышып, 178 адам набыт болгон. Самолёттун биринде Ташкенттин "Пахтакор" командасынын футболчулары учуп бараткан эле...
Sputnik Ближнее зарубежье Telegram-каналы 44 жыл мурун болгон апаатты окурмандардын эсине салды.
Украинанын Днепродзержинск шаарынын асманында бири Челянбинскиден Кишиневду көздөй, экинчиси Ташкенттен СССРдин чемпионаты өтчү Минскиге бараткан эки Ту-134 кагышкан. 8400 метр бийиктикте беларустун учагы молдовалык Ту-134түн бортун кагып өтөт. Натыйжада эки самолеттун ичиндеги 178 кишиден эч ким аман калган эмес.
Кырсыкка Харьков башкармалыгынын авидиспетчерлери айыптуу деп табылган эле.
Учурунда каргашаны жаап-жашыруу мүмкүн болгон эмес. Бирок ондогон жылдар өтсө да кылмыш ишинин материалдары сыр бойдон сакталуу турат.
Бүгүн Ташкенттеги "Боткино" көрүстөнүндө "Пахтакор" командасынын оюнчуларын эскерүү иш-чарасы болуп өттү. Аталган клубдун азыркы жана буга чейинки оюнчулары менен мүчөлөрү "Пахтакор-79" мемориалында гүл коюп эскеришти.