БИШКЕК, 7-авг. – Sputnik. Түп районуна караштуу Корумду жана Коочу айылдарында катуу сел жүрдү. Жеринен тартылган видео соцтармактарга тарады.
ӨКМдин маалыматына караганда, бүгүн ошол эле районго караштуу Талды-Суу айылын дагы сел каптаган. Министрлик бул боюнча кийинчерээк толук маалымат берүүнү убадалады.
Белгилей кетсек, Корумду Талды-Суу айыл өкмөтүнө карайт.
2-август күнү Байзак жана Кең-Суу айылдарында дагы сел жүрүп, Каркыра айыл өкмөтүнүн чечими менен өзгөчө кырдаал режими киргизилген.