БИШКЕК, 6-авг. — Sputnik. Ала-Арча тоосунда атасы менен кызы жоголуп, эркек кишинин сөөгү табылганын ӨКМ билдирди.
Куткаруучуларга 3-августта 41 жаштагы эркек киши 8 жаштагы кызы менен Ала-Арча тоосуна эс алууга чыгып кеткен бойдон дайынсыз болуп жатканы тууралуу билдирүү түшкөн.
Бүгүн, 6-августта, эркек кишинин сөөгү Ала-Арча суусунан табылып, жеткинчек изделүүдө. Аны табууга куткаруучулар, туугандары жана ыктыярчылар тартылды. Издөө иштерине дрондор пайдаланылууда.