БИШКЕК, 6-авг. — Sputnik. Атасы менен Ала-Арчага эс алууга кеткен сегиз жашар кыздын да сөөгү табылганын ӨКМ кабарлады.
Маалыматта жеткинчектин жансыз денесин куткаруучулар суудан саат 16:20лар чамасында таап чыгып, ИИМ кызматкерлерине өткөрүп беришкени айтылат.
Эскерте кетсек, 41 жаштагы Борис Михайлов кызы Руфина менен эс алууга 3-августта чыгып кеткен. Бирок көп өтпөй алар менен байланышуу мүмкүн болбой калган. Издөө жарыяланып, бүгүн эртең менен эркек кишинин сөөгү суудан табылган. Ал эми жеткинчекти издөөгө ӨКМ, ИИМ кызматкерлеринен тышкары ыктыярчылар да тартылган болчу.