БИШКЕК, 2-авг. — Sputnik. Россия төрт жыл мурда ушул күнү Орто жана жакын аралыктагы ракеталарды жок кылуу келишиминен чыккан.
Ага АКШнын 2019-жылдын январында "Россия тиешелүү шарттарды сактабай" койду деп шылтоолоп, орто жана жакынкы аралыктагы ракеталарды жок кылуу боюнча келишимден (ДРСМД) чыгышы себеп болгон.
Sputnik Ближнее зарубежье бул боюнча окурмандарга эскертти.
2019-жылдын июлунун башында Владимир Путин аталган келишимден Россия чыга турганын маалымдаган. РФ буга чейин ДРСМД келишиминин шарттарын толугу менен аткарып жатканын бир нече ирет билдирген болчу.
Трамп келишимди россиялык 9М729 ракетасынын сыналышы бузарын айткан.
Бирок 2010-жылы америкалыктар орточо аралыкка атылуучу "Гера" ракетасын түзүп, келишимдин шартын бузган.