БИШКЕК, 1-авг. — Sputnik. Төө-Ашуудагы тоннелге асфальт төшөлүп бүттү, эртең саат 16:00дөн кийин унаа кыймылына коюлган чектөө алынат. Бул тууралуу транспорт жана коммуникациялар министри Тилек Текебаев билдирди.
Анын айтымында, 2-августта дренаж казылган жердин ордуна, ошондой эле кошумча айрым жерлерге асфальт басылат. Жакынкы күндөрү тоннелдин кире бериш жерлерин жана анын айлана-чөйрөсүн көрктөндүрүү иштери башталат. Бул учурда автоунаалар үчүн эч кандай чектөөлөр болбойт.
Белгилей кетсек, Бишкек — Ош трассасындагы эң чоң тоннель оңдоо иштерине байланыштуу 26-августтан бери күнүнө 10 сааттан жабылып турган.