БИШКЕК, 27-июл. — Sputnik. Бишкектин четиндеги Аламүдүн суусуна агып кетип 10 күндөн бери изделип жаткан бир жашар кыздын сөөгү табылды. Бул туурасында Өзгөчө кырдаалдар министрлиги билдирди.
Бүгүн аны издөөгө беш куткаруучу тартылган.
Маалыматка ылайык, бөбөктүн сөөгүн окуя болгон жерден болжол менен 20 чакырым алыстыктагы Таштар-Ата дачасынын аймагынан жергиликтүү тургун көрүп кабарлаган. Куткаруучулар кыздын сөөгүн суудан чыгарып, ИИМ кызматкерлерине өткөрүп беришти.
Эске салсак, 18-июль күнү Бишкектин четиндеги эс алуучу жайда бир жаштагы бөбөк сууга түшүп кеткен, аны куткарам деген 27 жаштагы энеси дарыяга бой урган. Келиндин сөөгү ошол эле күнү табылган.