БИШКЕК, 25-июл. — Sputnik. Март айынан бери өлкөдө мас болуп автоунаа айдаганы үчүн 1800дөн ашык киши айдоочулук күбөлүктөн ажыратылган. Бул туурасында Жол кыймылынын коопсуздугун көзөмөлдөө боюнча башкармалыктан кабарлашты.
Быйыл 8-марттан тарта, ичип алып рулга отургандарды айдоочулук күбөлүгүнөн ажыратуу жоопкерчилиги каралган. Бул убакыт ичиндеги абалга жасалган анализдер мас айдоочулар 17 пайызга азайганын жана руль башкаргандардын жоопкерчилиги арта баштаганын көрсөткөн.
Жол милициясынан ичип алгандарга автокөлүк башкарууга жол бербөө максатында күчөтүлгөн рейддерди улантарын айтышты.