БИШКЕК, 19-июл. — Sputnik. Бишкектин четинде Аламүдүн районундагы Таш-Мойнок айыл аймагына караштуу эс алуучу жайда эне-бала сууга агып кетти. Бул тууралуу Өзгөчө кырдаалдар министрлиги билдирди.
Кырсык кечээ, 18-июлда, катталып, издөөгө 12 куткаруучу чыккан. Алар А.Э. аттуу аялдын сөөгү таап, ИИМ кызматкерлерине өткөрүп беришкен. Ал эми кичинекей кызды издөө караңгы киргендигине байланыштуу убактылуу токтотулган. Аны издөө бүгүн улантылмакчы.