БИШКЕК, 9-июл. — Sputnik. Кыргызгидромет 15-июлга чейин Кыргызстандын аймагында аба ырайы кандай болору тууралуу маалымат берди.
Ага ылайык, жуманын башында айрым региондордо өткүн өтүп, күн күркүрөшү мүмкүн. Ал эми Бишкекте 9-июлда өткүн өтүп, калган күндөрү күн ачык болору күтүлүүдө.
Чүй жана Талас облустары
9-10-июлда түнкүсүн айрым жерлерде, күндүз көпчүлүк аймактарда өткүн өтөт. 11-15-июлда жаан-чачын күтүлбөйт.
Ош, Жалал-Абад жана Баткен облустары
9-10-июлда күндүз тоо этектеринде жана тоолуу райондордо өткүн өтөт, ал эми өрөөндөрдө жаан-чачын күтүлбөйт. Аптанын калган күндөрү күн ачык болот.
Ысык-Көл жана Нарын облустары
9-12-июль күндөрү түнкүсүн айрым жерлерде, күндүз көпчүлүк аймактарда өткүн өтөт. 13-14-июлда күн ачык болот. Ал эми 15-июлда күндүз кайрадан айрым жерлерде өткүн өтөт.