БИШКЕК, 5-июл. — Sputnik. Киев 5-июлга караган түнү таамай тийген куралдарды, камикадзе дрондорун колдонуп Запорожье АЭСине чабуул жасаганы жатат. Бул тууралуу РИА Новости "Росэнергоатомдун" жетекчисинин кеңешчиси Ренат Карчаанын айтканына таянып кабарлады.
Ал ошондой эле "Точка-У" ракетасындагы радиоактивдүү калдыктар толтурулган дүрмөт менен сокку уруу пландаштырылып жатканын билдирген.
"Бүгүн айтып коё турган маалымат келип түштү... 5-июлга караган түнү Украинанын Куралдуу күчтөрү Запорожье атомдук электр станциясына алыска жетүүчү таамай тие турган жана пилотсуз учуучу камикадзе-аппараттар менен чабуул коюу ниетинде", — деген Карчаа "Россия-24" телеканалынын эфиринде сүйлөп жатып.
Ал муну менен катар эле 3-июлда Түштүк украиналык АЭСтен алып чыгып кеткен радиактивдүү калдыктар толтурулган ок-дарылар менен асмандан чабуул жасоо көздөлүп жатканын кошумчалады.
" Радиоактивдүү заттарды таштоонун резервдик планында радиоактивдүү калдыктар менен толтурулган жогорку тактыктагы "Точка-У" снарядын колдонуу бар”, — деген Карчаа.